Dukagjini e befason Ballkanin, me një këmbë në finale të Kupës

Dukagjini ka bërë një hap jashtëzakonisht të madh drejt finales së Kupës së Kosovës.

Klinasit triumfuan thellë në udhëtim ndaj Ballkanit me rezultat 0:3.

Qysh në minutën e tetë, Hekuran Berisha kaloi mysafirët në epërsi.

Në minutën e 37-të, Dukagjini e dyfishoi epërsinë nëpërmjet Mërgim Pefqelit që shënoi nga penalltia

E në minutën e pestë shtesë të ndeshjes, Dukagjini shënoi për 0:3 nëpërmjet Meris Maliqit.

Kësisoj, Dukagjini ka kryer më shumë se gjysmën e punës sot, teksa ndeshjen e kthimit do ta luajë para publikut të vet.