Dua Lipa kërkon të përsërisë suksesin e hitit të saj të 2018-ës “One Kiss” që preku majën e klasifikimeve botërore, menjëherë pas publikimit.
Për të arritur një tjetër sukses, ylli i muzikës Pop me origjinë shqiptare ia ka hedhur sërish sytë producentit Calvin Harris, me të cilin bashkëpunoi për hitin e suksesshëm, këtë herë për të hitin e ri të publikuar orët e fundit “Potion”.
Mediat britanike shkruajnë se ky pritet të jetë hiti që do të na shoqërojë këtë verë. Bëhet fjalë për një këngë që pritet të bëjë bujë, veçanërisht me tekstin e saj të ngarkuar me përmbajtje seksuale, siç komentojnë mediat britanike. Edhe në klip, 26-vjeçarja shfaqet me lëvizje tepër provokuese.
Që në orët e para pas publikimit “Potion” ka marrë vlerësime, edhe pse komentuesit thonë se muzika dhe klipi i përngjan hitit tjetër të Calvin Harris, “Fills”, ku ka bashkëpunuar edhe me Katy Parry.
