Këngëtarja shqiptare Dua Lipa ka shitur të gjitha biletat për pak minuta për dy koncerte që do t’i mbajë në “Wembley” vitin e ardhshëm. Fillimisht e kishte planifikuar vetëm një koncert, por për shkak të interesimit të madh ka shtuar edhe një datë.
Në rrjetet sociale, Lipa ka konfirmuar se biletat për koncertet më 20 dhe 21 qershor të vitit 2025 janë shitur. Koncertet do të mbahen në stadiumin ikonik anglez, i cili ka kapacitet prej 90 mijë personash.
“Të gjitha biletat shiten për dy netë në ‘Wembley’!!!!! Çfarë po ndodh!!!!!!!”, ka shkruar Lipa në Facebook.
Biletat kishin dalë në shitje më 10 korrik për ata që janë të abonuar në kompaninë telefonike “O2”. Sot u hap shitja për të gjithë. Dhe pas pak minutave, biletat u avulluan për koncertin e parë. U njoftua edhe data për koncertin e dytë. Nuk zgjati shumë dhe sërish të gjitha biletat u blenë.
Është sukses i radhës i 28-vjeçares shqiptare pas performancës së shkëlqyeshme që e pati në festivalin “Glastonbury”. Rekorde theu edhe me albumin e ri “Radical Optimism”.
