- Advertisement -
Drita e ka shkruar historinë duke u kualifikuar për herë të parë në fazën e grupeve të Conference League.
Ky sukses historik i Dritës vjen pas triumfit ndaj Differdange me rezultat 0:1 në ndeshjen kthyese të play-offit.
Ishte Besnik Krasniqi ai që ia dha ‘vulën’ kualifikimit të “Intelektualëve” në fazën e grupeve pasi u tregua i saktë nga penalltia në minutën e 60-të të ndeshjes.
Drita e pati fituar edhe ndeshjen e parë në “Fadil Vokrri” me rezultat 2:1, ndërsa fazën e grupeve e arriti me rezultat të përgjithshëm 3:1.
Me këtë kualifikim, Drita është bërë skuadra e dytë kosovare që arrin fazën e grupeve të garave evropiane, pas Ballkanit.
