- Advertisement -
Kampionia e Kosovës në futboll, Drita, të hënën ka nxjerrë në shitje biletat për ndeshjen e kthimit kundër Steaua Bukureshtit në kuadër të raundit të tretë kualifikues të Ligës së Evropës.
Ndeshja e kthimit mes Dritës dhe Steauas, zhvillohet të enjten prej orës 20:00 në stadiumin “Fadil Vokrri” në Prishtinë.
Bileta më e lirë për këtë përballje, është ajo në tribunën e veriut që kushton 3 euro, pastaj lindja me çmim prej 5 eurosh dhe perëndimi që kushton 10 euro.
Biletat VIP kapin çmimin prej 10 eurosh për këtë duel.
Ndeshja e parë, e luajtur javën e shkuar në Bukuresht ka përfunduar me fitoren 3:2 në favor të rumunëve.
