- Advertisement -
Skuadra e Dritës ka regjistruar humbjen e parë këtë sezon në Ligën e Konferencës.
Të enjten mbrëma, në duelin e xhiros së pestë të fazës së ligës, Drita pësoi nga AZ Alkmaari.
Ndeshja e luajtur në stadiumin “Fadil Vokrri” në Prishtinë, përfundoi me shifrat 3:0 për ekipin nga Holanda.
Një gol në pjesën e parë dhe dy të tjerë në të dytën, konfirmuan fitoren e AZ Alkmaarit.
Sven Mijnans (17′), Isak Jensen (58′) dhe Ibrahim Sadiq (90′), realizuan golat për AZ Alkmaarin.
Drita mbetet në kuotën e 8 pikëve, ndërsa AZ Alkmaari ka 9 sosh kur ka mbetur edhe një xhiro deri në fund të fazës së ligës.
Ndeshjen e fundit, Drita e luan javën tjetër, në udhëtim te Rayo Vallecano.
