Qeveria e Kosovës në mbledhjen e mbajtur të hënën ka miratuar përbërjen e re të Bordit të Fondit të Sigurimeve Shëndetësore.
Anëtar i këtij bordi është emëruar edhe drejtori i Drejtësisë së Shëndetësisë në Komunën e Mitrovicës, dr. Fahri Shabani, raporton Scanner.
Ministri i Shëndetësisë, Rifat Latifi, ka kërkuar nga kabineti qeveritar që të miratojnë bordin e ri të këtij fondi.
“Me qëllim të funksionalizimit të këtij organi shumë të rëndësishëm për shëndetësinë e Kosovës propozoj që ta aprovojmë bordin me këtë përbërje: Dafina Gexha-Bunjaku nga Ministria e Shëndetësisë, Ahmet Ismaili e Klit Shala nga Ministria e Financave dhe Transfereve, Kastriot Meqa nga Oda e Mjekëve, Agreta Gashi nga SHSKUK, Fahri Shabani nga Asociacioni i Komunave të Kosovës dhe Muhamedali Kodra nga Shoqata e Pacientëve”, ka thënë Latifi.
