Shefi ekzekutiv i Milanit, Giorgio Furlani ka pranuar se shitja e Sandro Tonalit tek Newcastle bëri që ai të përjetonte disa prej ditëve më të vështira në krye të klubit, kur mori kërcënime me vdekje nga tifozët.
Në një dokument 24-faqësh të publikuar nga shkolla e biznesit të Harvardit, që përfshinte gjithashtu edhe disa komente nga ai, drejtori i ‘Rossonerëve’ reflektoi mbi mënyrën se si mediat dhe tifozët mund të kenë ndikim tek klubi në baza ditore.
Milani e shiti Tonalin në verën e vitit të kaluar në një marrëveshje të vlefshme prej 60 milionë eurosh, sidoqoftë, klubi u desh të ballafaqohej me zemërimin e tifozëve për faktin se humbën njërin nga idhujt e tyre.
“Isha i vetëdijshëm për paqëndrueshmërinë që vinte nga fakti se mediat dhe tifozët flasin për klubin tonë, por e kuptova që nuk ka mënyrë për t’i shpëtuar asaj çfarë thonë në TV ose shkruajnë në gazeta”.
“Me të vërtetë ka një ndikim tek ju në ditët e këqija. Dhe pastaj ka ditë edhe më të trishta, sikur atëherë kur mora kërcënime me vdekje, për shembull, kur ne e shitëm Tonalin, njërin prej lojtarëve tanë më të mirë”.
“Në këto momente unë thashë: Në rregull, këto janë gjëra që nuk iu mësojnë në shkollën e biznesit të Harvardit”, ka thënë Furlani.
