Drejtori i BMW-së, Goller: Kurrë nuk do të ndalojmë së prodhuari motorë me benzinë dhe naftë

15:52 | 22/09/2025

9

- Advertisement -

BMW kohët e fundit prezantoi modelin elektrik Neue Klasse në panairin e veturave në Mynih.

Qëllimi është të kapë dhe të tejkalojë prodhuesit kinezë në këtë segment të automjeteve.

Megjithatë, BMW nuk e braktis traditën e vet. Autocar India raporton se drejtori i shitjeve të markës, Jochen Goller, ishte shumë i qartë në pyetjen e bërë: a do të ndalojë BMW prodhimin e motorëve me djegie të brendshme?!

“Kurrë”, tha shkurt ai.

Bashkimi Evropian ka vendosur që pas vitit 2035, veturat e reja me motor benzinë dhe dizel (si dhe hibride) nuk do të lejohen të shiten në vendet anëtare.

Drejtori i BMW-së, Goller: Kurrë nuk do të ndalojmë së prodhuari motorë me benzinë dhe naftë telegrafi.com

Aktualisht, prodhuesit kinezë janë shumë përpara krahasuar me ata evropianë, veçanërisht sa i përket çmimit të makinave të reja elektrike.

Javën e kaluar, Shoqata Evropiane e Prodhuesve të Automjeteve (ACEA) u takua me kryetaren e Komisionit Evropian, Ursula von der Leyen, në një takim urgjent.

Një nga temat ishte dëshira e industrisë së automobilave për të zgjatur afatin dhe për të vazhduar shitjen e veturave me motorë me djegie të brendshme edhe pas vitit 2035.

Shumë analistë besojnë se përpjekjet e industrisë së automobilave do të jenë të kota.

BMW planifikon një gjeneratë të re veturash me motor benzinë dhe dizel, të cilat do të jenë në dispozicion në Evropën Lindore, Indinë dhe vendet ku elektrifikimi ende nuk ka përparuar.

Kështu do të vazhdojë edhe pas vitit 2035.