Ish-zëdhënësi i forcës paqembajtëse ndërkombëtare në Kosovë, Vicenzo Grazo, në një reagim ndaj Shefit të EULEX-it, Giovanni Pietro Barbano, i cili shprehu “shqetësim” për dorëheqjen e tre policëve të saporekrutuar nga komuniteti serb në Policinë e Kosovës, ka thënë se prapa këtyre dorëheqjeve të imponuara qëndron Beogradi dhe Lista Serbe.
Aspak e befasishme, tha Vicenzo, sepse vetë bashkësia ndërkombëtare “ka toleruar” që Beogradi zyrtar përmes degës së tij në Kosovës, Listën Serbe, “ka sabozuar çfarëdo iniciative integruese të serbëve në Kosovë”.
“S’është befasi! Beogradi përmes Listës Serbe kaherë ka sabotuar çfarëdo nisme që do të çonte në integrimin e serbëve në Kosovë dhe të një shoqërie paqësore shumëetnike. E kanë bërë kaherë e ne i kemi toleruar gjithmonë pa iu kundërvënë kësaj sjellje”, ka shkruar ish-zëdhënësi i KFOR-it.
