Donaldi bën të tijën një vepër të Picaso dhe nuk mund të ishte më i lumtur

Donald Veshaj ka spikatur në Big Brother Vip jo vetëm për historitë personale që i ka servirur publikut, por dhe për talentin e tij në pikturë.

Gjatë qëndrimit në shtëpi Donaldi bëri portretin e Ismail Qemalit me rastin e 28-29 Nëntorit dhe portretin e Adem Jasharit. Portreti i parë u shit për 12 mijë euro në një ankand të zhvilluar në një spektakël të Big Brother Vip dhe paratë shkuan për bamirësi.

Së fundmi Donaldi ka postuar në Instastory një foto të tij përballë një pikture të Picaso me mbishkrimin “e imja”. Siç duket aktori ka tashmë në pronësi një vepër të piktorit të shquar.

Si një person që është i dedikuar dhe ka mbaruar shkollën për art, Donaldi nuk mund të kishte diçka më të bukur se një vepër e jashtëzakonshme.