- Advertisement -
Anëtari serb i Presidencës së Bosnje e Hercegovinës, Millorad Dodik, ka thënë sot se e sheh ‘Republika Srpskan”, si shtet të pavarur në pesë vitet e ardhshme, shkruan Nova.rs.
Dodik vlerësoi se Bosnja e Hercegovina “mbijeton vetëm sepse mbahet nga faktori ndërkombëtar”, duke shtuar se “forca” është e vetmja gjë që ka mbetur për të ruajtur Bosnje e Hercegovinën”.
Duke folur për sanksionet e vendosura ndaj tij nga Shtetet e Bashkuara të Amerikës pak ditë më parë, Dodik vlerësoi se amerikanët janë “gati të shkojnë deri në fund”.
Dodik përsëriti se në fillim të javës së ardhshme do të takohet me presidentin serb Aleksandar Vuçiq.
