Ditën e sotme të gjithë mësuesit dhe pedagogët në vendin tonë festojnë festën e tyre, 7-marsin. Por disa prej tyre përveçse mësues ose pedagogë janë edhe personazhe të njohur në botën e televizionit apo edhe politikës.
Ja disa prej personazheve të njohur që sot festojnë 7-marsin
Ilir Shaqiri
Balerini dhe koreografi i njohur ka shkollën e tij të baletit Etoile d’Ilir në Itali. Aty ai jep mësim për lloje të ndryshme baleti, nga baleti klasik, në atë bashkëkohor.
Eno Popi
Moderatori i njohur përveç punës së tij në televizionin dhe radio është njëkohësisht pedagog i departamentit të Gazetarisë në Universitetin e Tiranës.
Manjola Nallbani
Artistja e njohur e skenës shqiptare, Manjola Nallbani është pedagoge në Universitetin e Arteve në Tiranë ku jep mësime kantoje.
Gazmend Gjoka
Aktori i njohur i teatrit ushtron njëkohësisht profesionin e pedagogut në Universitetin e Arteve në degën e aktrimit.
Ai ka interpretuar që në moshën 12 vjeç në Teatrin Kombëtar, e më tej ndërsa është herë pas here i pranishëm atje, megjithëse jo i punësuar vazhdon të jetë i angazhuar me akademinë e arteve.
Albi Nako
Balerini dhe koreografi i njohur ka krijuar tashmë trupën e tij të baletit ku u jep mësime balerinëve të rinj.
Ema Andrea
Aktorja e famshme është gjithashtu pedagoge në Universitetin e Arteve, ku jep mësim në degën e aktrimit.
Adi Krasta
Moderatori dhe gazetari i njohur ka qenë pedagog në departamentin e Gazetarisë në Universitetin e Prishtinës.
Eni Çobani
Juristja e “Shihemi në Gjyq” në emisionin “E diela shqiptare”, Eni Çobani e ka nisur karrierën e saj fillimisht si pedagoge në Fakultetin e Drejtësisë. Çobani në fakt gëzon një karrierë të gjatë ku krahas të qenit pedagoge në Fakultetin e Drejtësisë të Universitetit të Tiranës është emëruar edhe Sekretare e Përgjithshme e ministrisë së Drejtësisë, post që e mbajti për 3 vjet si dhe Avokate e Përgjithshme e Shtetit pranë Gjykatës së Lartë dhe Këshilltare e Kryetarit të Gjykatës së Lartë, deri në 2005- n.
Riselda Sejdia
Balerina e shumëpërfolur dhe bashkëshortja e biznesmenit Ajdin Sejdia, Riselda Sejdia është pedagoge e baletit në Universitetin e Arteve. Së fundmi ajo ishte edhe anëtare e jurisë së një emisioni kërcimi krah Albi Nakos, në Abc News.
Argita Berisha
Vajza e ish-kryeministrit Sali Berisha prej vitesh është pedagoge në Fakultetin e Drejtësisë në Tiranë.
Blerina Gjylameti
Deputetja e Partisë Socialiste të Shqipërisë ka punuar si pedagoge në lëndët “Menaxhimin Operacional” dhe “Menaxhim Strategjik” në Universitetin Ushtarak “Skënderbej”. Në të njëjtën kohë ajo punonte si asistente pedagoge në Fakultetin e Ekonomisë, Universiteti i Tiranës pranë Departamentit të Menaxhimit. Duke vijuar edhe në vitin 2008, si pedagoge me kohë të plotë në lëndët e “Menaxhimit Strategjik” dhe “Burimeve Njerëzore” në Fakultetin e Ekonomisë, Universiteti i Tiranës, një pozicion të cilin ajo e mbajti deri në vitin 2013 dhe e vazhdoi më tej me kohë të pjesshme.
Grida Duma
Nënkryetarja e Partisë Demokratike, Grida Duma është pedagoge te Fakulteti i Shkencave Sociale.
Ilgi Zarka
Igli Zarka është aktor dhe njëkohësisht pedagog në Universitetin Europian të Tiranës.
Iris Luarasi
Drejtoresha Ekzekutive e Qendrës së Këshillimit për Gra dhe Vajza është një figurë e njohur për publikuan, kjo edhe për shkak të eksperiencave të shumta që ajo ka pasur në media. Luarasi është gjithashtu pedagoge në Universitetin e Tiranës, në departamentin e Gazetarisë.
