- Advertisement -
Sabina Çudiq, anëtarja e Dhomës së Përfaqësuesve të Asamblesë Parlamentare të Bosnjës dhe Hercegovinës, ka thënë se Kosova duhet të jetë pjesë e Këshillit të Evropës.
Në Asamblenë Parlamentare të Këshillit të Evropës, sot u diskutua për situatën në veri të Kosovës.
Çudiq theksoi se mos pranimin e Kosovës në KiE e vuajnë më së shumti qytetarët e thjeshtë të vendit.
“Kushtetuta e Kosovës përmban Konventën Evropiane për të Drejtat e Njeriut, ndërsa qytetarët e Kosovës nuk mund të kenë qasje në KEDNJ. Kosova duhet të lejohet të jetë anëtare e Këshillit të Evropës”, ka thënë ajo.
Ndër tjera, ajo shtoi se sa më shumë që zgjatet mos anëtarësimi i Prishtinës iu jepet hapësirë “kukullave të Putinit krijojnë kërcënime sigurie”.
