Discord ka vendosur të bëjë ndryshime të mëdha në mënyrën sesi identitetet funksionojnë në platformë, një lëvizje e cila do të detyrojë shumicën e përdoruesve të ndryshojnë emrin e përdoruesit.
Deri më sot kompania shtonte etiketa katër shifrore si mënyrë për të dalluar njerëzit me të njëjtin emër përdoruesi.
Por sistemi i ri do ti japë të gjithëve një emër unik përdoruesi njëlloj si Twitter, Instagram dhe shërbime të tjera.
“E gjithë ideja e këtyre ndryshimeve është sepse ne duam ta bëjmë shumë të lehtë për të gjithë ju dhe përdoruesit e rinj që po vinë në Discord të lidhen me njëri-tjetrin,” shkruante bashkëthemeluesi Stanislav Vishnevskiy.
“Ne e dimë se emri juaj i përdoruesit dhe identiteti janë të rëndësishëm dhe kuptojmë se mund të mos e pëlqeni këtë ndryshim apo të mos jeni dakord.”
Synimi me etiketat me katërt shifra ishte që të lejoheshin përdoruesit të zgjedhin çfarëdo emër përdoruesi që dëshirojnë por një gjë e tillë tashmë ka ngecur teknikisht sipas Discord.
Kompania tha se emrat e përdoruesit janë tepër të komplikuar për njerëzit që të mbahen mend. Sistemi i ri do të aplikohet në javët në vijim dhe përdoruesit do të marrin një mesazh për të mësuar se kur duhet ta ndryshojnë. /PCWorld Albanian
