Me gjithë suksesin e proklamuar nga ana e Bashkimit Evropian pas arritjes së marrëveshjes Kosovë-Serbi, shumë pika të saj mbesin të pazbatuara. Palët nuk arritën dakordim as në takimin e fundit para se dialogu të shkojë në pushim sa i përket sekuencimit të aneksit për zbatimin e marrëveshjes. E njohës të rrethanave i kanë bërë fajtore BE-në dhe SHBA-në për mungesën e rezultateve teksa kanë shtruar domosdoshmërinë e dinamizimit të procesit.
Dialogu i Brukselit shkoi në pushim veror pa ia vendosur pikën shumicës së çështjeve të dakorduara në Marrëveshjen e 27 shkurtit në Bruksel dhe aneksit për zbatimin e saj të arritur në Ohër më 18 mars.
