Di Maria zbulon se do të pensionohet nga Argjentina pas Kupës së Amerikës

Angel Di Maria ka zbuluar se do të pensionohet nga Argjentina pas përfundimit të Kupës së Amerikës që do të mbahet në vitin e ardhshëm.

Legjenda argjentinase ka konfirmuar se nuk do të jetë pjesë e kombëtares për Kampionatin Botëror të vitit 2026.

“Do të pensionohem nga Argjentina pas Kupës së Amerikës, ka mbaruar për mua. E përqafova Messin te Paris Saint-Germaini dhe i thash ‘E vetmja gjë që jam i lumtur është që kam luajtur me ty në klub, që të shoh çdo ditë’”, ka thënë Di Maria.

35-vjeçari deri më tani ka 134 paraqitje me Argjentinën, teksa ka shënuar 29 gola. Ai ka luajtur një rol krucial në fitoren e Argjentinës në Kupën e Amerikës 2021 dhe në Kupën e Botës 2022, duke shënuar në dy finalet, ndaj Brazilit dhe respektivisht ndaj Francës.