Ish-ministri i Mbrojtjes, Armend Mehaj nëpërmjet një postimi të gjatë në Facebook ka folur për dorëheqjen nga posti i ministrit.
Ai ka bërë të ditura arsyet dhe disa nga të arriturat e ministrisë së Mbrojtjes nën drejtimin e tij.
“Sot, më 08 gusht 2023, në mirëkuptim dhe mirëbesim të plotë, me kërkesën time, Kryeministri Albin Kurti më ka liruar nga detyra e Ministrit të Mbrojtjes të Republikës së Kosovës! Kjo kërkesë prej anës sime, ka ardhur për arsye familjare, për të cilat e kam njoftuar Kryeministrin Kurti, me kohë që më parë. Ai më falënderoi për punën time si dhe për të gjitha angazhimet e përbashkëta deri më sot, gjatë këtyre 29 muajve sa isha në detyrën e Ministrit të Mbrojtjes të Republikës së Kosovës”, ka shkruar ndër të tjera Mehaj.
