Shfuqizimi dhe shpallja e disa neneve të Udhëzimit Administrativ si të paligjshme rreth një muaj më parë që obligojnë pensionistët të lajmërohen çdo 6 muaj në Departamentin e Pensioneve, mbeti në sirtarë.
Pse i njëjti nuk po merret parasysh, Ministria e Financave të premten nuk i ktheu televizionit Klan Kosova përgjigje, raporton Klan Kosova.
Ndaj, situata në zyrat në të cilat duhet të paraqiten të moshuarit, vazhdon të jetë e njëjtë.
Dikush e humbi pensionin duke u thirrur në lajmërimin e Gjykatës.
Ankesa ka edhe për shoqatën e pensionistëve.
Ky proces që ministria po thuhet se po e zvarrit, nuk do shumë punë për implementim, thotë Bahri Xhaferi, ish-drejtor i Departamentit për Pensione.
Ai bëri me dije se institucionet e kanë obligim që t’i zbatojnë çdo vendim të Gjykatës.
