Më 5 nëntor bëhen 3 vjet nga arrestimi i ish udhëheqësve të UÇK-së, nga Dhomat e Specializuara të Kosovës, me seli në Hagë. Megjithatë procesi gjyqësor është ende në periudhën fillestare.
Aida Dërguti ish-ushtare e UÇK-së, tha se Gjykata Speciale është një mostrum juridik.
“Ajo është një ‘Suis Generis’ dhe për nga forma edhe forma e funksionimit, e themeluar nga Kuvendi i Kosovës, por krejtësisht e pavarur, madje edhe Avokati i Popullit nuk lidhet me sistemin tonë të drejtësisë”, tha ajo për RTK Prime.
Sipas saj, Gjykata Speciale kryekëput është politike. Dërguti vlerësoi se me themelimin e Gjykatës Speciale janë stopuar shumë procese në Kosovë.
Edhe për bastisjet e fundit që janë bërë në Kosovë nga Specialja, Dërguti theksoi se janë një nonsens.
