Deputetja e Partisë Demokratike të Kosovës (PDK), Ariana Musliu-Shoshi e ka pyetur kryeministrin Albin Kurti se cka ka bërë për diasporën dhe sa ka vlerë diaspora për të.
Madje përmes një postimi në Facebook, ajo ka thënë se Kurti e sheh diasporën vetëm si votë dhe monedhë.
“Diasporën t’i e sheh veç si votë dhe monedhë. Nga dita e parë e qeverisjes tënde deri më sot, nuk e ke sjell Ligjin për Diasporën, përveç që e ke prolonguar dhe trajtuar krejtësisht si të parendësishme. Diasporën tanë e ke shfrytëzuar për bartjen e shpenzimeve për vartësit e tu nga Ministria e Punëve të Jashtme për sorollatje të kota, duke mos i sjellë asnjë përfitim Kosovës”, ka deklaruar ajo.
Postimi i plotë:
Kryeministër, a ke tregu sa ke bërë për diasporën e sa vlen diaspora për ty?
Diasporën t’i e sheh veç si votë dhe monedhë. Nga dita e parë e qeverisjes tënde deri më sot, nuk e ke sjell Ligjin për Diasporën, përveç që e ke prolonguar dhe trajtuar krejtësisht si të parendësishme. Diasporën tanë e ke shfrytëzuar për bartjen e shpenzimeve për vartësit e tu nga Ministria e Punëve të Jashtme për sorollatje të kota, duke mos i sjellë asnjë përfitim Kosovës.
Diasporën nuk mund ta joshësh me premtime të kota e oferta boshe! Krejt çfarë duan diaspora nga Ju e nga ne si klasë politike është të punojmë me nder, mençuri e dinjitet për vendlindjen e tyre.
