Deputeti i PDK-së, Ferar Shala, ka vizituar bashkëluftëtarët në Shoqatën e Veteranëve të UÇK-së në Drenas, të cilët i ka uruar përfundimin e zgjedhjeve dhe për formimin e strukturave të reja, raporton Scanner.
“Këto zgjedhje janë dëshmi e përkushtimit të vazhdueshëm për t’i mbajtur gjallë vlerat dhe idealet për të cilat kemi luftuar, duke ruajtur gjithashtu unitetin dhe forcën që e kanë karakterizuar gjithmonë këtë shoqatë” shkruan Shala.
.
Postimi i plotë:
Sot, bashkë me Fadilin dhe Petritin, vizituam bashkëluftëtarët në Shoqatën e Veteranëve të UÇK-së në Drenas, patëm kënaqësinë t’ju urojmë për përfundimin e zgjedhjeve dhe për formimin e strukturave të reja.
Këto zgjedhje janë dëshmi e përkushtimit të vazhdueshëm për t’i mbajtur gjallë vlerat dhe idealet për të cilat kemi luftuar, duke ruajtur gjithashtu unitetin dhe forcën që e kanë karakterizuar gjithmonë këtë shoqatë.
Nëpërmjet bashkëpunimit dhe përkushtimit të ndërsjellë, do të vazhdojmë të përkrahim njëri-tjetrin dhe të ndërtojmë një të ardhme që nderon sakrificën dhe pasuron brezat e ardhshëm me krenarinë dhe trashëgiminë e UÇK-së.
