Shtetet e Bashkuara vazhdojnë të mbështesin krijimin e një shteti të pavarur palestinez dhe “nuk ka pasur asnjë ndryshim politikash” nga administrata në lidhje me këtë qëllim, tha të mërkurën zëdhënësi i Departamentit të Shtetit, Matt Miller.
“Ne e kemi bërë mjaft të qartë publikisht se mbështesim krijimin e një shteti të pavarur palestinez. Kjo ka qenë politika e Shteteve të Bashkuara për disa kohë. Ka qenë politika e kësaj administrate. Ju e keni parë Sekretarin të flasë për këtë publikisht,” tha Miller në një konferencë të Departamentit të Shtetit.
Miler shtoi se ShBA-ja e mbështetë zhvillimin e një shtetit të pavarur palestinez “me garanci reale sigurie për Izraelin”, duke shtuar se administrata e Biden beson se kjo ishte mënyra më e mirë për të garantuar paqen dhe sigurinë për Izraelin, palestinezët dhe rajonin më të gjerë.
Miller vuri në dukje se Departamenti i Shtetit po shqyrton mundësitë se si të krijohet një shtet i pavarur palestinez dhe po vlerëson “çdo opsion” si pjesë e planifikimit për të gjetur se cilat do të ishin efektive dhe do të funksiononin më mirë.
