Në mbrëmjen glamuroze të Galës së 14-të të Artit dhe Filmit të LACMA-s në Los Angeles, disa nga yjet më të njohur të Hollywood-it zgjodhën pamje tepër guximtare me fustane transparente.
Demi Moore, 62 vjeçe, mahniti me një fustan të zi transparent të zbukuruar me lule shumëngjyrëshe, që i përqafonte linjat dhe e bënte të dukej më rrezatuese se kurrë.
Me flokët e gjatë të zinj dhe elegancë klasike, aktorja tërhoqi vëmendjen e të gjithëve në tapetin e eventit, shkruan DailyMail.
Paris Hilton zgjodhi një fustan të zi me dantella dhe dekolte të thellë, duke ruajtur stilin e saj glamuroz dhe klasik.
Nga ana tjetër, Kristen Wiig dhe Dixie D’Amelio guxuan edhe më shumë me modele tepër transparente, që lanë shumë pak vend për imagjinatë.
Këtë vit, gala nderoi regjisorin Ryan Coogler dhe artisten Mary Corse, ndërsa të pranishmit, përfshirë edhe Leonardo DiCaprio, pozuan para instalacionit të famshëm “Urban Light”.
Të ardhurat nga mbrëmja shkojnë për mbështetjen e programeve të artit dhe filmit në muze.
