Dëmi 200 mijë eurosh nga zjarri në Mal të Zi, arrestohet kosovari që dyshohet se e shkaktoi me cigare

Një 38-vjeçar nga Kosova është arrestuar nga policia e Malit të Zi, si i dyshuar për shkaktim zjarri në një objekt në Ulqin.

Sipas Policisë së Malit të Zi, kosovari me inicialet L.H. dyshohet të ketë hedhur një cigare para objektit, dhe nga ajo dyshohet se u shkaktua zjarri.

“Prokurori u informua për incidentin dhe tha se L.H. duhet të arrestohet dhe kundër tij të ngrihet një padi penale”, njoftoi policia malazeze.

Ndër tjera, u tha se dëmi nga zjarri në fjalë mund të jetë deri në 200 mijë euro, shkruan Vijesti. /KlanKosova/