Analisti politik, Arton Demhasaj, ka reaguar pas vendimit të Kryetarit të Kuvendit, Dimal Basha, i cili e konsideroi të përfunduar seancën konstituive edhe pa zgjedhjen e nënkryetarit nga komuniteti serb.
Demhasaj në një prononcim përGazetaBlic, tha se ky vendim është në kundërshtim me Kushtetutën, Rregulloren e Kuvendit dhe dy vendimet e Gjykatës Kushtetuese.
Ai thotë se pa zgjedhjen e nënkryetarit nga minoritetet serbe nuk mundet në asnjë rrethanë të mbyllet seanca dhe të konstituohet Kuvendi.
“Mendoj që është totalisht gabim, është në kundërshtim me Kushtetutën dhe Rregullorën e Kuvendit, e njëkohësisht edhe me dy vendimet e Gjykatës Kushtetuese që kanë dal këtë vit, për shkak se seanca konsiderohet e përfundume në momentin kur zgjedhet kryetari dhe nënkryetarët, që i bie ata shqiptar dhe të pakicave. Kështu që pa zgjedhjet e nënkryetarit nga minoritetet serbe nuk mundet në asnjë rrethanë me u mbyll seanca dhe me u konstituu Kuvnedi, mendoj që kjo është gabim”, tha ai.
Sipas tij kjo gjë po bëhet nga Lëvizja Vetevendosje, me qëllim që të blejnë kohë për vete.
“Ai shton se kurdo që çështja të shkoj në Kushtetuese, do dal vendimi se seanca nuk është konstituar pa zgjedhjen e nënkryetarit nga kominiteti serb.Kjo logjikë është më teper me ble kohë, tash me prit ankesë në gjykatë kushtetuese e më pas vendimi thjeshtë është vec blerje kohe nga ana e Lëvizjes Vetëvendosje. Kurdo që të shkoj çështja në Gjykatën Kushtetuese, Kushtetuesja ka me nxjerrë vendim dhe ka me thënë se senaca nuk konsiderohet e konsituar pa zgjedhjen e nënkryetarit nga kominiteti serb, dhe e kthen prap situatën në pikën e sotit”, përfundoi ai.
