Analisti, Arton Demhasaj, ka komentuar deklaratën e qeverisë, ku është thënë se Qeveria e Kosovës i mirëpret mbledhjet e ardhshme të përbashkëta me Qeverinë e Shqipërisë.
Demhasaj tha se gjithçka qenka te mbledhjet e përbashkëta, e që sipas tij nuk paska mundësi që dy kryeministrat të takohen mes vete.
“Gjithçka qenka te mbledhjet e përbashkëta, nuk paska mundësi që me u taku dy kryeministrat në takime. Duke e marrë parasysh rëndësinë e takimit dje ambasadori gjerman dhe ambasadori francez e kanë lavdëruar tej mase kryeministrin e Shqipërisë, Edi Rama për turin ballkanik që po e bën për përgatitjen për takimin e Procesit të Berlinit”, tha ai në emisionin “Këndi i Debatit” në Tëvë1.
Sipas analistit, për kryeministrin Kurti më i rëndësishëm është inati personal, sesa interesi i Kosovës.
“Dhe kur ndodh takimi në Maqedoni, do të ndodh takimi në Mal të ZI, Serbi, Bosnjë dhe Hercegovinë dhe vetëm takimi me Kosovën nuk ndodh me kryeministrin për me i diskutu çështjet. Kjo tregon inati. Për kryeministrin e Kosovës më i rëndësishëm është inati i tij personal, sesa interesi i Republikës së Kosovës, përndryshe ish dashur të ndodh takimi sot”, shtoi ai.
