Deputetja e PDK-së, Blerta Deliu, ka komentuar edhe sot për debatin që ndodhi dje në Kuvend, pas fjalimit të Hisen Berishës dhe reagimit të ministres Albulena Haxhiut, shkruan Scanner.
Sipas Deliut, ministrja e drejtësisë konstatoi kry në vete se Astrit është vra.
“Dhe kjo akuzë më së miri e shpërfaq mënyrën se si ministrja e percepton drejtësinë. Mënyra se si foli Albulena Haxhiu dje, e dëshmoi edhe njëherë se çkado që vjen prej saj është vetëm hakmarrje e aspak drejtësi”, shkruan deputetja e PDK-së.
Postimi i plotë:
ÇKA THA ALBULENA HAXHIU DJE?
“Ju i keni duart e lyme me gjak”, kështu e akuzoi PDK-në dje ministrja e Drejtësisë Albulena Haxhiu.
Dhe këtu ajo nxori në pah një varg problemesh.
E para, ministrja e drejtësisë konstatoi kry në vete se Astrit është vra.
E dyta, që Astrit Deharin e ka vra pushteti i PDK-së.
Dhe e treta, e kolektivizoi fajin. Fajin kolektiv e caktojnë vetëm pushtetet diktatoriale, në demokraci faji është individual.
Dhe kjo akuzë më së miri e shpërfaq mënyrën se si ministrja e percepton drejtësinë. Mënyra se si foli Albulena Haxhiu dje, e dëshmoi edhe njëherë se çkado që vjen prej saj është vetëm hakmarrje e aspak drejtësi.
E kjo mendësi përfundimisht nuk kalon!
https://m.facebook.com/story.php?story_fbid=8921167901287845&id=100001841707837&mibextid=Nif5oz
