Deliu e PDK-së për Haxhiun: Në vend që të reflektojë, po viktimizohet

Përmes një postimi në Facebook, Deliu-Kodra e ka quajtur këtë një tentativë për viktimizim dhe shmangie nga përgjegjësia politike.

“25 seanca të Kuvendit kanë dështuar për shkak të mungesës së mbështetjes ndaj Albulena Haxhiut, jo për shkak të gjinisë së saj,” ka shkruar deputetja e PDK-së.

Ajo ka kritikuar Haxhiun për, siç thotë ajo, përdorimin e akuzave për seksizëm për të mbuluar refuzimin politik që, sipas saj, ka ardhur si pasojë e moskonsensusit dhe jo për shkak të paragjykimeve gjinore.

Ajo shtoi se vazhdimi i bllokadës institucionale për një pozitë personale përbën mosrespekt ndaj Kuvendit dhe qytetarëve.

“Është mosrespekt ndaj institucioneve që i keni bllokuar për një pozitë personale,” përfundoi ajo.