Aleatët e NATO-s po rrisin buxhetet e tyre të për mbrojtjen pasi komentet e Donald Trump nxitën debate të reja nëse kontinenti mund të vazhdojë të mbështetet në mbrojtjen nga SHBA.
Pasi Trump sugjeroi se Uashingtoni mund të mos mbronte vendet që nuk shpenzuan mjaftueshëm, Sekretari i Përgjithshëm i NATO-s, Jens Stoltenberg tha se ai priste që 18 aleatë të shpenzonin 2% të PBB-së së tyre për mbrojtjen këtë vit, shkruan Bloomberg.
Ai vazhdoi duke thënë se aleanca e mbrojtjes po bënte “përparim të vërtetë”, por “disa aleatë kanë ende një rrugë për të bërë”.
“Ne nuk duhet të japim hapësirë për llogaritje të gabuara apo keqkuptime në Moskë për gatishmërinë tonë dhe përkushtimin dhe vendosmërinë tonë për të mbrojtur të gjithë aleatët”, shtoi Stoltenberg.
Shefi i NATO-s dek;aroi gjithashtu se shtetet evropiane të NATO-s do të investojnë një total prej 380 miliardë dollarësh në mbrojtje këtë vit.
Trump tronditi evropianët të shtunën duke nënkuptuar se ai do të inkurajonte Rusinë “të bëjë çfarë të duan dreqin” ndaj aleatëve të NATO-s që nuk shpenzuan mjaftueshëm nëse ai kthehej në pushtet./
