Mes shumë diskutimesh e debatesh që ndodhën mbrëmjen e djeshme në Prime-n e radhës së “BBVIP”, vëmendjen e mori një deklaratë e Luizit në lidhje me Efin, teksa këngëtari përdori si argument kundër ish-mikeshës së tij, faktin që ka qenë në “Për’puthen”, cka e bën një vajzë që ai dhe askush nuk do ishte krenar ta kishte motër apo partnere. Paragjykim ky që sigurisht u kundërshtua si nga vetë Efi, po ashtu edhe nga banorët e tjerë, por edhe nga Arbana Osmani.
Moderatorja e programit, pavarësisht se Luizi tha që nuk ka asgjë me formatin e “Për’puthen”, u shpreh se nuk duhet të ketë të tilla paragjykime dhe nuk është e drejtë të bëjë të tilla paragjykime për Efin dhe për asnjë vajzë që ka dalë nga një dating show, kur është vetë Kiara, partnerja e artistit, që ka zgjedhur të lidhet e të gjejë dashurinë e ta përjetojë atë në një program para gjithë shqiptarëve. Po ashtu Arbana sqaroi deklaratën e saj edhe sot, me anë të një postimi në Instagram, duke i dalë sërish në mbrojtje vajzave.
Sigurisht, deklarata e Luizit, së cilës ai i qëndroi deri në fund, shkaktoi mjaft reagime në rrjet, mes tyre edhe të vetë moderatores së “Për’puthen”, Bora Zemani. Kjo e fundit, me anë të një InstaStory ditën e sotme, u shpreh e keqardhur që eksperienca në programin që drejton i përmendet si “TURP” Efit, si e vetmja armë për ta sulmuar, ndërsa thotë se edhe Kristi ka dalë nga një dating show dhe atij nuk i përmendet në asnjë moment kjo, duke akuzuar banorët e “BBVIP” dhe ata që i mbështesin këto mendime për standarte të dyfishta.
Më pas Bora flet më shumë në lidhje me rolin e produksionit të “BBVIP” dhe konkurentëve të formatit, ashtu si edhe për atë që ka ndodhur në “Për’puthen” për sa kohë ajo e drejton, ndërsa në fund jep një mesazh të rëndësishëm që i drejtohet publikut.
