Ish futbollisti i Juventusit, Medhi Benatia, tani këshilltar sportiv i Marseille, ka folur për kundërshtarin e radhës së Zonjës së Vjetër në Ligën e Kampionëve, Lillen.
Benatia ka treguar për emrat që duhet të ketë kujdes Juventusi, duke e futur në këtë mes edhe Edon Zhegrovën.
Juventus dhe Lille takohet sot nga ora 21:00 në Ligën e Kampionëve.
“Është një skuadër e mirë. Ata patën pak vështirësi në fillim të sezonit, por tani janë kthyer : kanë shpirt të madh ekipor dhe lojtarë me cilësi të shkëlqyera. Unë po flas për Davidin, natyrisht, Zhegrova, por edhe Angel Gomes i cili është super i rëndësishëm për lojën e Lilles”.
“Ka Sahraoui, anësori sulmues, i cili është shumë teknik dhe i mirë në duelet një me një, është Zhegrova, i cili ka shumë cilësi dhe gjuan gjithmonë me këmbën e majtë, është Angel Gomes në mesfushë, ai është 24 vjeç dhe ishte nga Manchester United”, deklaroi Benatia.
Tutje, sipas tij Lille ka një ekip mjaftë solid pavarësisht se kanë shitur qendërmbrojtësin Leny Yoro te United këtë verë për 60 milionë euro.
