Qeveria daneze ka vendosur të ndajë 12.8 milionë dollar për misionin e saj të parë në Hënë të quajtur “Mani”.
Bazuar në misionin që është planifikuar të zhvillohet që në vitin 2029, një satelit i udhëhequr nga Danimarka do të dërgohet në orbitë rreth Hënës për të hartuar një hartë se ku astronautët mund të ulen në mënyrë të sigurt në misionet e ardhshme hënore.
Sipas raportimeve, Mani është një përpjekje e përbashkët nga institucionet dhe kompanitë kërkimore daneze dhe ndërkombëtare, të përzgjedhura nga Agjencia Hapësinore Evropiane (ESA) këtë pranverë për të vazhduar së bashku me nëntë aplikantë të tjerë evropianë.
Në mesin e dhjetorit, ESA pritet të njoftojë se cilat misione do të kenë përparësi gjatë tre viteve të ardhshme.
Përveç mbështetjes së uljeve të astronautëve në të ardhmen, Mani do të ndihmojë disa nga misionet robotike të ESA-s në Hënë të planifikuara nga viti 2030 e tutje.
