Daku vazhdon formën e shkëlqyer, realizon golin e radhës me Rubin Kazanin

Sulmuesi i Kombëtares së Shqipërisë, Mirlind Daku ka shënuar gol përmes penalltisë në takimin hapës të xhiros së tetë në Premier Ligën ruse, mes Rubin Kazanit dhe Dynamo Makhachkala.

Daku shënoi në minutën e 27-t për të zhbllokuar takimin. Ky ishte goli i shtatë këtë sezon në kampionatin elitar rus për sulmuesin 27-vjeçar.

Daku luajti si startues në miqësoren kundër Gjibraltarit duke u zëvendësuar menjëherë në startin e pjesës së dytë, kurse ndaj Letonisë takim kualifikues për Botëror, luajti vetëm nëntë minuta.