Ish kryetarja e Komisionit Qendror të Zgjedhjeve, Valdete Daka tha se Kushtetua e Kosovës, respektivisht neni 139, qartë e tregon se KQZ i organizon zgjedhjet jashtë Kosovës.
“KQZ-ja përcakton edhe qendra do t’i cakton është institucion që vet vendos vet i organizon zgjedhjet”, tha ajo.
Sipas Dakës KQZ-ja ka obligim që t’i organizojë zgjedhjet në Ambasada.
“Jo jashtë ambasadave atë e ka paraparë ligji.
Daka kujtoi kohën kur votohej me postë duke u ankuar se afatet kanë qenë të shkurtra.
“Kjo ka qenë e vetmja telashe, kjo ka ngritë pakënaqësi te diaspora sepse gjithmonë i është dukur se KQZ-ja nuk po i organizon zgjedhjet si duhet”, tha ajo.
Ish kryetarja e KQZ- së shtoi se paraqet shkelje sepse sipas saj vetëm KQZ-së i takon të organizojë zgjedhjet.
“çdo përpjekje që dikush t’i merr kompetencat e KQZ-së është shkelje”, tha Daka në rtv 21.
