Mes të tjerash, mediumi i famshëm ndërkombëtar shkruan për trajneren që po kujdeset për tonifikimin e trupit të Kimit, sportisten shqiptare Senada Greca.
Senada e cila jeton dhe vepron në Shtetet e Bashkuara të Amerikës është me prejardhje nga Elbasani.
“Kim Kardashian u dha ndjekësve të saj në Instagram një vështrim në rutinën e saj të stërvitjes përmes një serie fotografish dhe videosh që i shpërndau në Instagram të shtunën”, nis shkrimin e përditshmja britanike DailyMail.
“42-vjeçarja tregoi fizikun e saj të lakuar me një veshje të bukur teksa tonifikoi trupin e saj tashmë të skalitur me ndihmën e trajneres së saj personale, Senada Greca”.
“Influencuesja e rrjeteve sociale, foli shumë mirë për partneren e saj në stërvitje dhe shkroi se ajo ‘thjesht po përpiqej të ishte si ajo sot’”.
“Kardashian tregoi krahët e saj të gdhendur në mënyrë të përsosur ndërsa kishte veshur një bluzë të zezë pa mëngë gjatë seancës. Sipërmarrësja kishte veshur edhe një palë dollakë të zeza, të cilat i ngjiteshin fort në kofshët e saj dhe nxirrnin në pah të pasmet e saj”.
“Modelja veshi një palë doreza atletike pa mëngë dhe i lidhi flokët e saj të mrekullueshëm brune në një topuz të ngushtë për sa zgjati stërvitjen e saj. Kim kreu një sërë lëvizjesh stërvitore, duke përfshirë mbledhjet anësore dhe shtytjet e ijeve”.
“Kim shkroi në InstaStory: ‘Këto goditje në ijë janë vërtet shqetësuese (qesh). Fytyra ime në fund (qesh)’”.
Senada Greca në anën tjeër ishte pyetur vitin e kaluar nga Telegrafi për punën e saj me të famshmit.
“Me shumicën e yjeve kemi punuar në mënyrë virtuale, siç e dini ndoshta edhe për Bebe Rexhën në vitin 2020. Pastaj ka edhe shumë të tjerë që trajnohen me metodat e mia. Për shembull Dwayne ‘The Rock’ Johnson ka shumë njohuri për trajnnimin fizik, që kështu nuk them se trajnohet me metodat e mia (qesh) por është një mik i cili respekton shumë punën time, dhe u ndjeva shumë krenare dhe e respektuar kur nisi të më ndjekë në Instagram. Kohët e fundit kam trajnuar lojtarin e famshëm të bejsbollit, Alex Rodriguez (ish-i fejuari i Jennifer Lopezzit). Alexit i pëlqen shumë mënyra ime e trajnimit. Dhe ne fakt jemi miq të mirë me respekt të ndërsjellë”, kishte dekaruar trajnerja ndërkombëtare e fitnesit me origjinë nga Shqipëria.
