Daçiq: Serbët dhe amerikanët kanë një histori të përbashkët prej më shumë se 140 vjeçare

Ministri i Punëve të Jashtme Ivica Daçiq ka folur për historinë mes serbëve dhe amerikanëve.

Ai tha se serbët dhe amerikanët kanë një histori të përbashkët mbi 140 vjeçare, të cilën e ndërtuan së bashku edhe në momentet më të vështira të historisë, duke luftuar krah për krah për lirinë dhe demokracinë e popujve të tyre, shkruajnë mediat serbe.

Daçiq, duke iu drejtuar studentëve të Universitetit të Princetonit, të cilët i priti sot, theksoi se historia e përbashkët serbe dhe amerikane është shënuar edhe më shumë nga njerëzit që bashkuan popujt e dy vendeve, jetuan dhe krijuan me njëri-tjetrin.