Ylli i Al Nassr Cristiano Ronaldo po e konsideron seriozisht largimin nga Lindja e Mesme.
Portugezit i skadon kontrata në fundin e sezonit, ndërsa që nga janari do të jetë i lirë të nënshkruajë parakontratë me ndonjë klub tjetër.
“Marca” raporton se Ronaldo po e konsideron largimin nga Al Nassr shkaku i dëshirës për të fituar trofe, gjë të cilën s’po e arrin me klubin saudit.
Ronaldo ishte ndër lojtarët e parë që pranojë kalimin në Arabinë Saudite dhe konsiderohet si arsyeja që shumë të tjerë shkuan pas tij.
Ende nuk dihet nëse pesë herë fituesi i Topit të Artë do ta konsiderojë rikthimin në Evropë, apo do të vazhdojë te ndonjë skuadër tjetër në Arabinë Saudite.
Që kur iu bashkua Al Nassr më 2023, Ronaldo ka pasur statistika mahnitëse. Ai ka zhvilluar 83 paraqitje, duke realizuar 74 gola në proces dhe kontribuar me 18 asistime.
Ndërkohë, Ronaldo është ende larg pensionimit ngase po e ëndërron pjesëmarrjen me Portugalinë në Kupën e Botës 2026.
