Sipas një memo konfidenciale nga qeveria amerikane që CNN ka shqyrtuar, raportohet për të paktën tre viktima amerikane si pasojë e sulmeve pranë kufirit të Gazës në Izrael.
Sekretari i Shtetit Antony Blinken deklaroi më herët të dielën se ShBA kishte marrë informacione për shtetasit amerikanë të zhdukur dhe të vdekur dhe qeveria po punonte në mënyrë aktive për të konfirmuar këto raporte.
Memorandumi i brendshëm zbulon se Departamenti i Shtetit është në dijeni të tre shtetasve amerikanë që humbën jetën në periferi të Gazës, dhe ka edhe amerikanë të tjerë, vendndodhja e të cilëve mbetet e panjohur.
Ndërkohë, ambasada e SHBA në Jerusalem ka përditësuar planet e saj të emergjencës për t’u përgatitur për evakuimin e mundshëm të personelit të saj nga toka ose ajri, siç detajohet në memorandum.
