Pierre-Emerick Aubameyang iu bashku Barcelonës në afatin kalimtar të janarit pasi u nda me Arsenalin, me të cilin i kishte prishur punët.
Sulmuesi gabonez nga ajo kohë ka shpërthyer në fanellën e “Blaugrana”, duke u bërë lojtari kryesor.
Në tetë paraqitje si startues ai i ka realizuar tetë gola, shkruan “Gazeta Express”.
Ish-futbollisti i Borussia Dortmundit iu bashkua klubit nga “Camp Nou” si lojtar i lirë pasi e shkëputi kontratën me Arsenalin.
Tash, mediat e huaja zbulojnë se çka i kishte thënë trajneri Xavi sulmuesit afrikan para se ta transferonte në Kataluni.
“Jam i sigurt se ti mund të bëhesh lojtar kyç për ne, menjëherë”, i kishte thënë trajneri spanjoll sulmuesit gabonez.
Dhe, ashtu doli të jetë.
Aubameyang po ia shpërblen në mënyrën më të mirë të mundshme besimin trajnerit Xavi me një kontribut të jashtëzakonshëm në ekipin e ri.
Ai ishte protagonist edhë mbrëmë në “El Clasico” duke i realizuar dy gola dhe duke e bërë një asistim për Ferran Torresin.
Pa dyshim, Aubameyang është njëri prej përforcimeve më të mira të bëra në muajin janar nga një klub i madh evropian në shekullin 21.
