Erling Haaland firmos kontratën e tij të re 9.5-vjeçare me Manchester City – deri në qershor 2034
Ashtu siç edhe u paralajmërua më parë, Erling Haaland ka zgjatur kontratën me Manchester City dhe tanimë kampioni aktual i Anglisë e ka zyrtarizuar atë në faqen e tyre zyrtare.
“Jam vërtet i lumtur që kam nënshkruar kontratën time të re dhe që tani mund të shoh përpara për të kaluar edhe më shumë kohë te ky klub i mrekullueshëm”, tha Haaland.
“Manchester City është një klub i veçantë, plot me njerëz fantastikë dhe me tifozë të mrekullueshëm, dhe është pikërisht ai lloj ambienti që ndihmon të nxirret më e mira nga të gjithë”.
“Dua gjithashtu të falënderoj Pepin, stafin e tij teknik, shokët e ekipit dhe të gjithë te Klubi, pasi të gjithë më kanë ndihmuar shumë gjatë këtyre dy viteve të fundit. Ata e kanë bërë këtë një vend kaq të veçantë për të qenë, dhe tani jam pjesë e City-t pa kushte”.
“Dua të vazhdoj të zhvillohem, të punoj për t’u përmirësuar dhe të jap më të mirën time për të na ndihmuar të arrijmë më shumë suksese në të ardhmen”, tha ndër të tjera sulmuesi norvegjez.
