- Advertisement -
Nënkryetarja e PDK-së, Vlora Çitaku, ka kritikuar kryeministrin Albin Kurti, i cili është duke marrë pjesë në Presidiumin vjetor të Internacionales Socialiste në New York, e ku nga atje ka akuzuar mediat për prodhim të lajmeve të rreme, e madje ai ka thënë se ato po financohen nga qeveritë e kaluara.
Çitaku ka shtuar se Kurti në vend që të angazhohet për t’i sjellur Kosovës njohje apo investim, ai është duke sulmuar mediat dhe “regjimin e vjetër”, sipas saj, një qasje e tillë është jo etike, jo patriotike, e papërgjegjëshme dhe neveritëse.
Ajo ka shtuar se në mungesë të sukseseve në qeverisje, gjuha e Kryeministrit është reduktuar në akuza, sharje e shpifje për këdo që nuk mendon si ai.
