Deputetja e PDK-së, Vlora Çitaku, ka akuzuar kryeministrin Albin Kurti se po refuzon bashkëpunimin dhe po e kushtëzon kompromisin me nënshtrim të deputetëve të Kuvendit. Ajo tha se PDK ka qenë konsistente që nga fillimi dhe ka kontribuar në frymën e bashkëpunimit për funksionalizimin e institucioneve.
“PDK-ja që nga dita e parë ka qenë konsistente dhe i ka kontribuar aktivisht frymës së bashkëpunimit që institucionet e Kosovës të konstituohen sa më parë. Është shumë evidente se ata nuk duan bashkëpunim, kompromisi kërkon nënshtrim nga deputetët e Parlamentit. Muaj të tërë ky Kuvend përmes kryesuesit nuk e ka kryer detyrën e vet dhe kryesuesi ka qenë në shkelje të Kushtetutës. Ne ende besojmë ose shpresojmë që Kurti do të reflektoj, Kosova ka halle të mëdha”, ka deklaruar Çitaku.
