Çifti më i komentuar i momentit, Kim Kardashian dhe i dashuri i saj, komediani, Pete Davidson, tashmë nuk po e mbajnë fare të fshehur lidhjen e tyre, teksa u panë nën shoqërinë e njëri-tjetrit në Bahamas.
Paparacët fotografuan yllin e “Keeping up ëith Kardashians” dhe anëtarin e kastit të “Saturday Night Live”, duke ecur së bashku pasi zbritën nga një anije. Arratisja tropikale e Kardashian dhe Davidson, shënon udhëtimin e tyre të parë së bashku.
Komediani më parë udhëtoi me themeluesen e SKIMS në pronën e nënës së saj Kris Jenner në Palm Springs, në Kaliforni, ndërsa Kardashian u pa më vonë në lagjen e Davidson, Staten Island.
Sakaq, Kim Kardashian nuk po e ndjek më në Instagram këngëtaren Miley Cyrus dhe veprimi erdhi menjëherë pas natës së Vitit të Ri, kur kjo e fundit pati një koncert me të ftuar special, Pete Davidson. Lëvizja mund të sinjalizojë një dramë të trefishtë mes Kardashian, Cyrus dhe Davidson pasi këta të dy të fundit ishin bashkë në natën speciale të organizuar në Miami.
