Chiellini nuk ndryshon mendje – largohet nga Juventusi në fund të sezonit

Giorgio Chiellini do të largohet në fund të sezonit nga Juventusi.

Mbrojtësi nuk ka pranuar që ta rinovojë kontratën me “Zonjën e Vjetër”, duke kërkuar një aventurë të re, me shumë gjasë jashtë Evropës.

Kontrata e italianit skadon këtë verë dhe lojtari pritet të largohet si lojtar i lirë,

Interesim për veteranin kanë shprehur disa skuadra nga Major League Soccer dhe me shumë gjasë e ardhmja e futbollistit do të jetë pikërisht Amerika.

Mbrojtësi u transferua në Torino në vitin 2005 nga Fiorentina.

Gjatë këtyre viteve ai e ka fituar titullin kampion në Serie A nëntë herë, Kupën e Italisë pesë herë dhe Superkupen e Italisë po ashtu pesë herë.