Chelsea ka vazhduar me formë të lartë në Ligë të Konferencës, duke realizuar fitoren e radhës 5:1 ndaj Shamrock Rovers.
Londinezët janë skuadra e vetme deri më tani me të gjitha fitore në Fazën e Ligës të Ligës së Konferencës.
Përballja ndaj Shamrock ishte e lehtë për skuadrën e Enzo Marescës.
Marc Guiu realizoi për 1:0 në minutën e 23-të, por Poom barazoi vetëm tre minuta më vonë.
Guiu e ktheu epërsinë e Chelseat në minutën e 34-të, ndërsa për 3:1 shënoi Dewsbury Hall gjashtë minuta më vonë.
Në minutat shtesë, Guiu, kompletoi het-trikun e tij, duke realizuar për 4:1, rezultat me të cilin u mbyll pjesa e parë.
Për rezultatin përfundimtar 5:1 shënoi Marc Cucurella në minutën e 58-të.
Chelsea tani ka gjashtë fitore nga gjashtë takime në Ligë të Konferencës.
