Chelsea është pajtuar me shitjen e një lojtari vetëm një sezon pasi e transferuan atë në Londër.
‘Blutë e Londrës’ kanë qenë mjaft të ngarkuar në afatin kalimtar këtë verë, duke transferuar lojtarë si Pedro Neto, Joao Felix, Kiernan Dewsbury-Hall dhe Filip Jorgensen.
Trajneri i ri Enzo Maresca, së fundmi kishte folur haptazi për gjendjen brenda klubit, duke kritikuar faktin se ka shumë lojtarë në dispozicion duke bërë me dije në të njëjtën kohë se shumë prej tyre nuk do të ftohen dhe duhet të kërkojnë një ekip të ri.
Tani duket se njëri nga këta lojtarë e ka plotësuar kërkesën e teknikut italian duke i siguruar vetes një transferim në Francë.
Sipas një raportimi nga L’Equipe, klubi londinez është pajtuar që ta shesë Deivid Washington në Ligue 1 tek RC Strasbourg, në një marrëveshje që të do thyente rekordin e transferimeve të klubit francez.
Chelsea do të përfitonte 21 milionë euro nga shitja e tij, 12 muaj pasi kishin paguar 16 milionë euro për transferimin e tij nga Santosi në një kontratë shtatë vjeçare.
Washington e kaloi pjesën më të madhe të sezonit 2023/2024 duke luajtur për grupmoshat U21 të Chelseat, aty ku shënoi gjashtë gola në 11 ndeshje.
Një tjetër lojtar që duket se është fare pranë largimit nga Chelsea është edhe Raheem Sterling, i cili së fundmi u lidh me një transferim tek Arsenali.