Chelsea ka nënshkruar me mesfushorin Kiernan Dewsbury-Hall nga Leicester City për 30 milionë funte (mbi 35 milionë euro).
I diplomuari në akademinë e Foxes, ka nënshkruar një kontratë gjashtëvjeçare deri në vitin 2030.
Transferimi i 25-vjeçarit u përfundua përpara afatit të fundit të rregullave të fitimit dhe qëndrueshmërisë (PSR) të së dielës në Premier League, kështu që do të ndihmojë Leicesterin të pajtohet me udhëzimet financiare.
“Është e mahnitshme të jesh ulur këtu si lojtar i Chelseat. Ky është një klub që njerëzit rriten duke e parë dhe duke shpresuar që një ditë të luajnë, kështu që është një privilegj të jesh këtu””, tha Dewsbury-Hall, raporton BBC Sport.
Ai do të lidhet sërish me menaxherin Enzo Maresca, i cili iu bashkua Chelseat këtë verë pasi fitoi titullin kampion me Leicester sezonin e kaluar.
Dewsbury-Hall shënoi 12 gola dhe siguroi 12 asistime të tjera në 44 ndeshjet e ligës sezonin e kaluar, duke e bërë atë të emërohej lojtari i sezonit i Leicesterit dhe lojtari i lojtarëve të sezonit.
Ai është nënshkrimi i katërt i verës i Chelseat pas transferimit të lirë të mbrojtësit Tosin Adarabioyo nga Fulham, transferimit të mesfushorit Omari Kellyman me 18 milionë funte (mbi 21 milionë euro) nga Aston Villa dhe ardhjes së sulmuesit adoleshent Marc Guiu me 5 milionë funte (afër 6 milionë euro) nga Barcelona.
