Chelsea është gati për të diskutuar me Napolin për shkëmbimin e sulmuesve Romelu Lukaku – Victor Osimhen.
Sipas “Sky Sport Italia”, “Blutë” më në fund kanë pranuar të diskutojnë shkëmbimin e lojtarëve, plus të ofrojnë paratë që nevojiten për ta balancuar marrëveshjen.
Osimhen ëndërron të luajë në Premierligë dhe nuk do ta refuzonte fanellën e Chelseas, megjithatë ka disa probleme shkaku që nuk dëshiron të huazohet me opsion blerje, si dhe nuk pranon zbritje page në krahasim me vlerën që merr tani te Napoli.
Chelsea është gati për të negociuar me Napolin që kjo marrëveshje të jetë huazim me obligim blerje, por ende nuk ka dhënë dritën jeshile që ta paguajë aq shumë Osimhenin.
Në anën tjetër, Lukaku i ka plotësuar të gjitha kriteret për t’’iu bashkuar Napolit ndërsa po pret vetëm “lejen” që të udhëtojë për në Itali, të kryejë testet mjekësore dhe të luajë prapë për Antio Conten.
Sipas raportit, ishte trajneri i Chelseas Enzo Maresca që kërkoi nga klubi ta kompletojnë sa më parë marrëveshjen për Osimhenin shkaku që dështoi transferimi i Samu Omordionit nga Atletico Madridi.
Problem tjetër është edhe çmimi që Napoli e vlerëson Osimhenin ngase Aurelio de Laurentiis duhet ta zbret këtë vlerë në 100 milionë euro, me vetëm disa javë që na ndajnë nga mbyllja e afatit të verës.
