- Advertisement -
Kryeqyteti i Ukrainës, Kievi, është përfshirë nga errësira dhe qetësia në mbrëmjen e vonë të së enjtes.
Heshtja e mbrëmjes është në kontrast të plotë me një ditë të shënuar nga shpërthime sporadike dhe sirena të sulmeve ajrore, raporton CNN.
Kryetari i bashkisë së Kievit Vitali Klitschko shpalli shtetërrethim nga ora 22:00.
Njerëzit në të gjithë qytetin ose kanë fikur dritat ose kanë tërhequr perdet.
Sipas mediumit, sistemi i transportit publik të qytetit është ndaluar gjithashtu gjatë natës, megjithëse të gjitha stacionet e metrosë mbeten të hapura dhe mund të përdoren si strehimore emergjente.
